એક શિક્ષક પોતાના વર્ગના વિદ્યાર્થીઓ સાથે વાર્તાલાપ કરી રહ્યા
હતા. શિક્ષકે પોતાના વિદ્યાર્થીઓની સમક્ષ એક પ્રશ્ન મુકતા પુછ્યુ , " આ બ્રહ્માંડમાં તમને જે કંઇ દેખાય છે એ બધુ જ સર્જન ભગવાનનું છે એ સાચુ કે
ખોટુ ?" એક વિદ્યાર્થીએ ઉભા થઇને જવાબ આપ્યો , " સર, આપે જે કહ્યુ તે બિલકુલ સાચુ છે સમગ્ર બહ્માંડમાં જે કંઇપણ અસ્તિત્વમાં છે તેનું સર્જન ભગવાને
જ કર્યુ છે."
શિક્ષકે
વિદ્યાર્થીને સામો પ્રશ્ન પુછ્યો , " બેટા , તો પછી આ દુનિયામાં જે દુર્જનો અને શયતાનો છે એ પણ ભગવાનની જ આ જગતને
અપાયેલી ભેટ ગણવાની ને ?"
વિદ્યાર્થીએ કહ્યુ , " સર, હું આ બાબતમાં જવાબ આપતા પહેલા આપને બે પ્રશ્નો પુછી શકુ ?"
શિક્ષક : "
ચોક્ક્સ , તારે
જે પુછવુ હોય તે બિન્દાસ પુછ."
વિદ્યાર્થી : "
સર, આ
જગતમાં ઠંડીનું કોઇ અસ્તિત્વ છે ખરુ ? "
શિક્ષક : "
ઓફકોર્સ છે. કેમ તને ક્યારેય ઠંડીની અનુભૂતિ નથી થતી."
વિદ્યાર્થી : "
સર આપ મને માફ કરજો પણ આપ આ બાબતમાં ખોટા છો ઠંડીનું કોઇ
અસ્તિત્વ છે જ નહી, માત્ર ગરમીની હાજરી નથી એટલે ઠંડી જેવું લાગે છે."
શિક્ષક : " યસ
બેટા તુ સાચો છે."
વિદ્યાર્થી : સર
બીજો સવાલ એ છે કે શું અંધારાનું અસ્તિત્વ છે ?
"
શિક્ષક : " હા , છે જ રોજ રાત્રે અંધારુ હોય જ છે ."
વિદ્યાર્થી : "
સર, આપનો
જવાબ ફરીવાર ખોટો છે. સર અંધારા જેવુ કંઇ છે જ
નહી માત્ર પ્રકાશની
હાજરી નથી માટે આપણને અંધારુ લાગે છે. સર આપણે પણ
હંમેશા ગરમી અને
પ્રકાશ વિષે જ ભણીએ છીએ ઠંડી અને અંધારા વિષે ક્યારેય કોઇ
ભણાવતું નથી. બસ એવી
જ રીતે આ દુનિયામાં દુર્જન અને શયતાનનું અસ્તિત્વ છે જ
નહી માત્ર પ્રેમ , કરુણા અને માનવતાથી હર્યાભર્યા સજ્જનોની ગેરહાજરી છે. "
મિત્રો , શિક્ષકની સાથે દલીલ કરનારો આ વિદ્યાર્થી આલ્બર્ટ
આઇન્સ્ટાઇન હતો. આ
જગતમાં જે કંઇ પાપાચાર કે અનાચાર જોવા મળી રહ્યો છે તે
માત્ર સજ્જનતાના અભાવને
કારણે છે બાકી આપણું બધાનું મુળરૂપ તો નિર્મલ અને
આનંદમય બ્રહ્મ જ છે.
No comments:
Post a Comment