માણસ થી ગભરાયો માણસ,
માણસ થી મુંજાયો માણસ.
માણસ ની ઝેરીલી નજરે,
માણસ થી નજરાયો માણસ.
માણસ જેવો માણસ થઈને,
માણસ થી સંતાયો માણસ.
માણસ ના તીખાં બાણોથી,
માણસ થી વીંધાયો માણસ.
માણસ ના નખ જીણા જીણા,
માણસ થી પીંખાયો માણસ.
માણસ ના પાડોશી માણસ,
માણસ થી લૂંટાયો માણસ.
માણસ ના હૂંફાળા હાથે,
માણસ થી રહેંસાયો માણસ.
માણસ ના સુકાયા આંસુ,
માણસ થી દુભાયો માણસ.
માણસ થી ગભરાયો માણસ,
માણસ થી ભૂલયો માણસ.
No comments:
Post a Comment