શહેરની એક નામાંકિત શાળામાં વાર્ષિક પરિક્ષાઓ પુરી થયા બાદ પ્રથમ
વર્ષના વિદ્યાર્થીઓ
માટે એક ખાસ ક્વિઝ રાખવામાં આવી. શિક્ષકે પ્રથમ વર્ષ પૂર્ણ કરેલ બધા જ વિદ્યાર્થીઓને એક વર્ગમાં ભેગા કર્યા.
વિદ્યાર્થીઓને સુચના આપતા કહ્યુ , “ આપના માટે એક નાની ક્વિઝનું આયોજન કરવામાં આવ્યુ છે. તમને
બધાને એક
પ્રશ્નપત્ર આપવામાં આવશે. આ પ્રશ્નપત્રમાં જુદી-જુદી બાબતોને લગતા માત્ર 10 પ્રશ્નો પુછવામાં આવ્યા છે. જે તમામ પ્રશ્નોના સાચા ઉતરો આપશે
એને ઇનામ
આપવામાં આવશે.
પ્રશ્નપત્ર હાથમાં
આવતા જ બધા વિદ્યાર્થીઓ ફટાફટ જવાબ આપવા લાગ્યા. વર્ગના સૌથી હોશિયાર વિદ્યાર્થીએ તો
માત્ર 9 મિનિટમાં
જ 9 પ્રશ્નોના
જવાબ આપી દીધા પણ 10માં
પ્રશ્નનો ઉતર આપવા માટે એ 10 મિનિટથી વિચાર કરતો હતો પણ એને જવાબ યાદ જ નહોતો આવતો. વર્ગના
તમામ વિદ્યાર્થી
આ 10માં
નંબરના પ્રશ્ન પર આવીને અટકી ગયા.
એક વિદ્યાર્થી તો
પોતાની જગ્યા પર ઉભો જ થઇ ગયો અને કહ્યુ , “ સર, આ 10માં નંબર પરના પ્રશ્નનો જવાબ ન આપીએ તો ચાલે?” શિક્ષકે વળતો ઉતર આપ્યો , “ ના બેટા , નહી ચાલે. એ પ્રશ્ન બાકીના પ્રશ્ન જેટલો જ અગત્યનો
છે. બાકીના બધા જ
પ્રશ્નોના જવાબ સાચા હશે પરંતું જો 10માં નંબરના પ્રશ્નનો જવાબ નહી આપ્યો હોય કે ખોટો આપ્યો હશે તો ઇનામ નહી
મળે.”
પ્રશ્નપત્રનો છેલ્લો
સવાલ કંઇક આવો હતો.
પ્રશ્ન નંબર. 10. – આપણી શાળાના દરવાજા પર બેસીને તમારા બધાનું ધ્યાન રાખનાર
વોચમેનનું પુરુ નામ લખો.
આપણી આ
જીવનયાત્રામાં અનેક લોકોનો નાનો મોટો ફાળો હોય છે. આ બધા જ લોકો
આપણી હુંફ અને પ્રેમ
ઝંખતા હોય છે. માત્ર પૈસો કે પદના આધારે જ વ્યક્તિને
નાની કે મોટી
સમજવાની ભુલ ક્યારેય ન કરવી.
No comments:
Post a Comment