Thursday 24 December 2015
આપણને આપનું મુલ્ય સમજાતું નથી.
એક કુંભારે ગધેડો પાળેલો હતો પરંતું આ ગધેડો
કુંભારને બીલકુલ પસંદ નહોતો. એકવખત
તો એણે નક્કિ કરી
નાખ્યુ કે આ ગધેડાને વેંચી જ નાખવો છે. વહેલી સવારે પત્નિને જાણ કર્યા વગર એ
ગધેડાને લઇને વેંચવા માટે ગુજરી બજારમાં પહોંચી ગયો. સાંજે ઘેર આવીને ઘરમાં
પગ મુકતાની સાથે જ એ નાચવા લાગ્યો.
પત્નિએ પુછ્યુ, “ કેમ આજે
આટલા બધા આનંદમાં છો
અને આજ સવારના ક્યાં ચાલ્યા ગયા હતા ? “ “ અરે, ગાંડી આજે તો હું બહું જ ખુશ છું કારણકે જે ગધેડાથી
મને બહુ ચીડ હતી એ ગધેડાને આજે
વેંચીને આવ્યો છું.” “ ઓહ , શું વાત કરો છો ? કેટલામાં વેંચ્યો ?” “ તું કલ્પના પણ ના કરી શકે એવી કિંમત ઉપજી છે આપણા
એ ગધેડાની. હરાજીમાં બોલી બોલનારો ખુબ
સારો હતો. એણે આપણા
ગધેડાના ખુબ વખાણ કર્યા એટલે લોકો ખરીદવા માટે પડાપડી
કરવા લાગ્યા.” “ પણ
એ તો કહો કે કેટલા રૂપિયા આવ્યા?” ” હું તને એ જ કહું છું તું સાંભળ તો ખરી. બોલીની
શરૂઆત તો માત્ર 1000 રૂપિયાથી જ થઇ
હતી. પણ પછી
હરરાજીમાં બોલી બોલનારે કહ્યુ કે
આ કેટલો તંદુરસ્ત
ગઘેડો છે. ગમે તેટલું કામ
કરાવો તો પણ થાકે
તેમ નથી. આ વખાણ સાંભળીને
લોકો આગળની બોલી
બોલતા ગયા. પેલો ગધેડાની એક એક
ખાસીયત કહેતો ગયો અને લોકો વધુ મોટી બોલી બોલતા ગયા.” “ ઓહ , બહું સરસ. તો પછી કેટલા 2000 રૂપિયા તો ઉપજ્યા જ હશે કેમ?” ના , 3000 પુરા.” “ ઓહ, આટલી મોટી રકમ આપીને આપણા એ ગધેડાને
કોણે ખરીદ્યો ?” કુંભાર
હજુ જવાબ આપે તે પહેલા જ દરવાજા બહાર ગધેડો ભૂંકવા
લાગ્યો. પેલી બાઇ ગધેડાનો અવાજ
ઓળખી ગઇ. બહાર જઇને
જોયુ તો ખબર પડી કે કુંભાર પોતે જ પોતાના ગધેડાના વધુ વખાણ સાંભળીને
ખરીદી લાવ્યો હતો. આપણું પણ આ કુંભાર જેવું જ છે આપણી પાસે જે કંઇ
પણ છે એના વખાણ જ્યાં સુધી બીજા કોઇ પાસે ના
સાંભળીયે ત્યાં આપણને તેનું મુલ્ય સમજાતું નથી.
Subscribe to:
Post Comments (Atom)
No comments:
Post a Comment