એક
ભાઇ પોતાના નાના દિકરાને સાથે લઇને સાંજના સમયે ફરવા માટે નિકળેલા. અચાનક રસ્તામાં
શાળામાં સાથે ભણતા મિત્રનો ભેટો થઇ ગયો. પોતાની વૈભવી કાર પાસે સુટબુટમાં ઉભેલા આ મિત્રને
જોઇને જ ખબર પડી ગઇ કે થોડાવર્ષોમાં ઘણી કમાણી કરી છે આ મિત્રએ. આમ છતા કુતુહલ વશ પુછ્યુ
કે દોસ્ત તું શું કરે છે ? ક્યાં રહે છે તું ?
પેલા
મિત્રએ જરા છાતી કાઢીને કહ્યુ કે મારા ત્રણ - ચાર બિઝનેશ ચાલે છે. રાજકોટમાં જ બે બંગલા
છે. ચાર પ્લોટ છે. કાલાવડ રોડ પર જ હમણા 25 એકર જમીન લીધી. એક મોટો પાર્ટી પ્લોટ ખરીદવાની
ચર્ચા ચાલે છે. એક શાળામાં અને એક કોલેજમાં પણ ભાગીદારી છે. પણ એ તો કહે તું શું કરે
છે
?
પેલા
ભાઇએ તો જરા સંકોચ સાથે કહ્યુ કે હું તો સામાન્ય નોકરી કરું છુ અને મકાન લોન લઇને એક
નાનું મકાન બનાવ્યુ છે જેમાં મારી પત્નિ અને આ દિકરા સાથે રહું છું.
આ
બંને મિત્રોની વાત સાંભળી રહેલા પેલા નાના છોકરાએ પોતાના પિતાના પૈસાદાર મિત્રની સામે
જોઇને આશ્વર્યથી પુછ્યુ , " અંકલ આટલા બધા રૂપિયા
તમે કેવી રીતે કમાયા? ". જવાબમાં પેલા ભાઇએ પોતાના સવારે
ઉઠવાથી શરુ કરીને રાતના સુવા સુધીના સમયનું સમયપત્રક કહી દીધું.
છોકરાએ
પોતાના આ અંકલને એટલુ જ પુછ્યુ , " અંકલ આટલી વ્યસ્તતામાં
જીવો છો ક્યારે ? "
પેલા
ભાઇએ હસતા હસતા કહ્યુ કે અરે , ગાંડા આ જીવું જ છુ ને!
છોકરાએ
પણ સ્મિત સાથે કહ્યુ , " માત્ર શ્વાસ લેવાને જીવવું
કહેવાય ? " અને પોતાના પિતાની આંગળી પકડીને કહ્યુ ચલો પપ્પા
આપણો રમવાનો ટાઇમ થઇ ગયો અને આજે બોલીંગ તમારે કરવાની છે હો
!...........................
આપણે
જીવીએ છીએ કે માત્ર શ્વાસ જ લઇએ છીએ ?
No comments:
Post a Comment