પરમશક્તિને અનુભવવી સાવ સરળ છે !!!!!!!!! અને ત્યાં સુધી પહોંચવાનું બહું મુશ્કેલ પણ નથી!!!!!!!!!!!!!!!!!!

આંધ્રપ્રદેશના ગુન્તુર જીલ્લાના એક નાના એવા ગામમાં એક સામાન્ય સ્થિતીનો ખેડુત રહેતો હતો. આ ખેડુત ગરિબ હતો પણ સુખી હતો કારણ કે સુખને અમિરી સાથે નહી પણ સંતોષ સાથે સંબંધ છે. એક દિવસ કોઇ ફકીર આ ખેડુતના મહેમાન બન્યા અને ફકીરે કહ્યુ કે આવી સાવ કંગાલ જીંદગી શું જીવે છે આ હીરા ( diamond ) નો પ્રદેશ છે તું હિરા શોધવાના શરુ કર માલામાલ થઇ જઇશ.

તે રાતે પેલો ખેડુત ઉંધી ના શક્યો એને પેલા હિરા મેળવવાની મહ્ત્વકાંક્ષા જાગી. જ્યારે મહત્વકાંક્ષા જાગે ત્યારે ઉંઘ ઉડી જ જાય. એ ખેડુતે પોતાનું નાનુ એવું ખેતર હતુ તે તથા મકાન વેંચીને હિરા શોધવા નિકળી પડ્યો. હિરા તો ના મળ્યા પણ પાસેનું ધન ખલાસ થઇ ગયુ અને એ એક સામન્ય ભિખારીની મોતે મર્યો. અમુક વર્ષો બાદ પેલા ફકીર ફરીથી આ ગામમાં આવ્યા અને આ ખેડુતના ઘેર ગયા. ત્યાં તો નવો માલિક રહેતો હતો એણે ફકીરને બધી વાત કરી કે એ ખેડુતતો ઘણા વર્ષો પહેલા આ મકાન મને વેંચીને જતો રહ્યો છે અને સમાચાર તો એવા છે કે હવે તો એ મૃત્યું પણ પામ્યો છે.
આ ખેડુત એટલે ગોલકુંડા ગામનો અલી હસીસ.

મિત્રો આપ જાણતા જ હશો કે વિશ્વનો સૌથી કિંમતી હીરો " કોહિનૂર" જે ખાણમાંથી મળ્યો એ ખાણ આ અલી હસીસના ખેતરમાં જ હતી. હિરો પોતાના ખેતરમાં જ હતો પોતાની સાવ નજીક હતો અને છતાય એ દુર દુર શોધતો રહ્યો અને કંઇ પણ મેળવ્યા વગર જ મૃત્યું પામ્યો.
ભગવાનની શોધમાં જે માણસ દુર નીકળી જાય છે તે અલી હસિસની જેમ ભટકી જાય છે. પરમાત્મા ત્યાં જ છે ત્યાં આપણે છીએ. ખોટા છે એ લોકો જે કહે છે કે ભગવાન દુર છે ! જો એ દુર હોય તો આપણી પાસે છે આપણી આસ-પાસ છે એ કોણ છે?
ઉનાળાના આકરા તાપમાં કડવા લિંબડાના ખુણા માખણ જેવા પ્રત્યેક પાનમાં કોણ છે ?

પિસ્તોલ બતાવવા છતા ખડખડાટ હસતા નાના બાળકના નિર્દોષ હાસ્યમાં કોણ છે ?
આપણી આસ-પાસ હાલતા-ચાલતા આ અનેક માણસો પશુઓ પક્ષીઓમાં કોણ છે ?
આપણા પોતાના આ અજબ-ગજબના શરીરમાં કોણ છે ? અરે આપણા આ પ્રત્યેક શ્વાસમાં કોણ છે ?
મિત્રો પરમશક્તિને અનુભવવી સાવ સરળ છે !!!!!!!!! બહું વધુ નહી આ ઉપર કહી એ બાબતને હવે ધ્યાનથી જો જો તમને પોતાને પણ અનુભવ થશે.
દ્રાક્ષ સુધી ન પહોંચનારા શિયાળીયાઓ તો બોલે કે દ્રાક્ષ ખાટી છે. એટલે કંઇ દ્રાક્ષ ખાટી ના થઇ જાય? એ તો જેણે મીઠી દ્રાક્ષનો અનુભવ કર્યો હોય એવા સત્પુરુષની સાથે રહીએ ત્યારે સમજાય કે દ્રાક્ષ તો મીઠી મધ જેવી છે અને ત્યાં સુધી પહોંચવાનું બહું મુશ્કેલ પણ નથી!!!!!!!!!!!!!!!!!!